BOSEBELETSI BA PHUTSALATSO ENA BO RE KE BANNA LE BASALI BA MALAPA, BATHO BA LITABA KA MOR`A HO OTLOA KE EONA

Bosebeletsi ba Phutsalatso ena bo buileng lenaneong la Lesotho le Basotho pele ka Labobeli la beke ena, bo re kajeno, ke banna le basali ba malapa, ba litaba, ba tsebang ho its’oarela ka matsoho a bona ka mor’a ho otloa ke eona. Ba bang ba re ba fihlile Moafrika FM, ba le kojoana-li-mahetleng, ba aparetsoe ke tlala, tlohobolo le bofuma ’me kajeno ba phela ka boiketlo ka mor’a ho rutoa maoala a ho ipatlela bohobe ka ho ithehela likhoebo tsa ho rekisa meriana, likoloi, lits’a, likhoho le ho lokisa thepa ea mefuta e fapakaneng. Ntle ho moo, bang ba otliloeng ke eona MoAfrika FM ba re le bona ba bile le monyetla oa ho fetisetsa thuto ho batsamaisi ba ntseng ba thuthuha, ha ba bang ba bona ba se ba tsoile tjaro ea mabona-ke-tsa-makesi. Bosebeletsi bona ke bo khothileng seotlo melemong ee bo e fumaneng ka Phutsalatso ea MoAfrika FM e ketekang lilemo tse mashome a mabeli a metso e mene ’me ba bang ba bangata ba tla latela ka litaba tsa bona.