KEREKE EA SECHABA SA MOLIMO E EKELETSOA KA BATHO BA BOLOKEHANG

Monna-moholo ea lilemo li 99 ebile e mong oa bakolobetsuoa ba kereke ea Sechaba sa Molimo Apostolic Church in Zion ka Labots'elela la ha khoeli ena e hlola matsatsi a leshome le metso e ts’eletseng, Makhalaneng, Maseru. Setho sa phutheho ea Khomokhoana, Ha ’Matau, Tsikoane, ebile karolo ea banna le basali ba leshome ba patileng motho oa khale, ba tsoha le Jesu Kreste ho ea ka lithuto tsa kereke ena, tse kolollang Testamenteng e Ncha. Ts'ebeletso e ileng ea thethoa ka ho jella selallo holim'a noka ea moo, e ne e etelletsoepele ke Baapostola Phakoanyane Mokone le Liau Thoahlaka. Monghali Motlalepula Thokoana, e mong oa bakolobetsuoa, o re sehlopha sena, se be se bopiloe ka motsoako oa batho ba folisitsoeng ka thapelo le ba neng ba qala ho utloa Evangeli ea pako le ts'oarelo ea libe, ba se amohetseng.