LESHOLU LA POPOTA LE AHLOLOA LILEMO TSE MASHOME A MANE CHANKANENG

Lekhotla la ’Maseterata la Maseru, le pitlile Motebang Ntebele ka kahlolo ea lilemo tse mashome a mane chankaneng, kapa ho itefella likete tse mashome a mane tsa Maloti, ka mor’a ho fumanoa a le molato liqosong tse hlano tsa ho qheketsa likoloi le matlo, Ha Thetsane. Monna ea lilemo li mashome a mararo a metso e mene oa Mikaeleng Ha Rampoetsi, Maseru o hlotsoe ho itefella, ’me nyeoe ena e bile ka pele ho ’Maseterata Lebusa Ts’osane, ka Lapele la beke ena. Hona lekhotleng leo, Thabo Makhetha (23) oa Ts'ieng Ha Abia le Molupe Mokhethi (20) oa Nasareta Ha Nqheku ba fumanoe ba le molato oa bosholu ba lieta tsa lebenkele la Maseru, 'me ba ipoletse ba le molato joalo kaha ba qosoa le ho ahloleloa lilemo tse 14 chankaneng kapa ho itefella chelete ea boleng boo, 'me ba hlolehile ho itefella liqosong tse peli khahlanong le bona, ba theohela setsing sa tlhabollo ea bats'oaruoa.