TICHERE EA SEKOLO SA MATHOMO E FUMANOA E LEKETLILE KA MOLALA MARULELONG, PELAELO KE HORE E IPHANYEHILE, MAFETENG

Tichere ea monna ea sekolo sa mathomo sa Success Malea-lea Mafeteng, e fumanoe e leketlile ka molala marulelong a moo e lulang teng, matlong a hirisoang, ka Lapele la beke ena. Morena oa sebaka seo, Qaba Mahao, o re mong’a matlo a hirisoang o ile a hlokomela bosieo ba eo mohiri oa hae, ke moo eena le bahiri ba bang ba ileng ba nka senotlolo se neng se setse ka thoko ho ea bula ka ha oa maticha, ba fumana tichere e leketlile marulelong, tlasa maoto a eona ho na le setulo seo pelaelo e leng hore se mo thusitse ho fihlela marulelong. Morena Mahao o re sepolesa sa Matelile se ile sa tlaleheloa ho ea phutha mofu, ba se ba tla emela botsebi ba sona hore na ebe se hloma eka ho etsahetseng ka eo.