Lihlooho tsa lipoli li fumanoa ka morung o haufi le setsi sa mabenkele sa Pioneer

Monghali Taemane Hlomela oa Ha-Ratjomose Maseru, o re batho ba utsoelitsoeng lipoli, ba ke ba itlhahise ka morung o haufi le setsi sa mabenkele sa Pioneer, hobane o fumane lihlooho tsa tsona tse bokelletsoeng ka teng, ka Labohlano la beke ena. O re ntle le moo ho na le likahare, nama ha e eo, ’me o belaela sebaka sena se se se fetohile selakhapane, hobane likhomo tsa motse oa habo tse peli, li ne li fumanoe li hlabetsoe ho sona. Taba ena o bile a e tlalehela sepolesa sa bohareng ba toropo ea Maseru.