Basebetsi ba Vishan Ace Apparel ba ithoetse meli hloohong ka mora ho Vishan a ba nyahlatse a sa ba lefa

Monghali Ts’epang Makakole o re ka Lapele la beke ena, e bile la ho bala thepa ea lifeme tse peli tsa feme ea Vishan Ace Apparel, ka mor’a ho koaloa ha eona, ’me basebetsi ba eona ba ithoetse meli hloohong ha ba fumana ho se ea ba namolelang ho Vishan, hobane a se a ba nyahlalitse a sa ba lefa meputso ea 'Mesa le ea Mots'ehanong, le ba neng ba lefiloe e sa fellang khoeling ea bobeli le ea boraro, selemong sena. O re ba bile le phutheho ka Labohlano la beke e fetileng, e neng e epiloe ke LNDC botenng ba Lekala la Khiro le Bosebetsi, moo ba joetsitsoeng hore naepene ea bona eohle, ho kenyelletsa ea Ace Apparel e inneng libono metsing, ba il’o e tseka makhotleng.