Mohlophisi e moholo o ts'oella bacha ba koetlisong ea sesole

Morena Sebonomoea Ramainoane o fane ka thuto ho bacha ba koetlisong ea lerato la naha liahelong tsa sesole sa Lesotho, Makoanyane, ka Labone la beke ena. Thuto ea hae e manollotse bohlokoa ba bophatlalatsi le tsela ee bo susumetsang maano, molemong oa sechaba. Ka Labohlano la beke ena, bara ba hae ba babeli, Hlao Rampaleng le Mokholoane Ramainoane, ba ile ba ts'oella bacha holim’a litaba tsa boits'oaro ba bophatlalatsi, bo thehelletsoeng holim’a lerato la bohlale le khaho ea lihlopha tse ipabolang ts'ebetsong.