MOSALI O RE MORENA O SITOA HO MO THUSA KA LELEPA LE HLASELANG LE HO OTLA MOLEKANE OA HAE KA MAJOE

Moahi oa Semonkong Ha Moahloli Maseru e ka Maloting, o re morena oa hae o sitoa ho mo sebeletsa ka moahisane ee liphoofolo tsa hae li senyang lijalo tsa hae le bana ba hae ba betsang molekane oa hae ea nang le bokooa ba pono ka majoe. ’Makhetsi Taoane, o re boits’oaro ba lelapa lena o bo tlalehetse morena oa hae ea itseng o oa khathatsa ka hona a ee hohle moo a ka thusoang eena khale a sebetsa litaba tsa hae. O re lelapa la hae le phela matsoalong ke bana ba le hlaselang ho se thuso, ha ba ikarabellang ba mo qhalla matsoho. O re litaba tsena o li tlalehile sepoleseng sa Semonkong se itseng ba itlalehe ho sona ka Laborarao la beke ena, ’me lehlakore la ee ho lluoang ka eena monghali Tumelo Thejane ha le eo ka lebaka la mohala o sa keneng ha ele morena eena o bolelletse Lehakoe La Litaba hore o ntse a le lerateng toropong le tle le khutlele ho eena ha a se a le lapeng.