KHATHANG-TEMA BAITS'OKOLI E TLA THAKHOLA SETHALA SA MARANGRANG SE HOKAHANYANG BAITS'OKOLI LE MENYETLA EA KHOEBO LE KHOEBISANO, MASERU

’Mamolise Lawrence oa mokhatlo oa Khathang Tema Baits’okoli, o re ka Laboraro la beke ena, ba tla thakhola sethala sa marang-rang se hokahanyang baits’okoli ho ba bulela menyetla ea khoebo le khoebisano, Maseru. O re sena se tla ka mor’a boithuto bo tebileng ba hore ke nako ea ho tlosa khoebo mokhoeng oa khale ho e tlisa mokhoeng oa sejoale-joale, ebile e le mokhoa o bobebe o fang moits’okoli menyetla ea kalimo le poloko ea libuka, eleng se tla thusa bao ho fumana mekitlane ha bobebe libankeng. O re linaha tse tsoetseng pele, khoebo e etsahala lihora tse mashome a mabeli a metso e mene lebaka ke hore e etsoa ka oona marang rang ao, sethala sena se tlilo thusa ntlheng ea ho boloka metsotso ea likopano molemong oa ba teng le ba sieo