BENG BA TABA EA MOTOHO OA NGOAN'A 'MALEHLOA BA NTSE BA PHELA

Bamameli ba Puo ea Sesotho ka Labone la beke ena, ba itse ba thabetse ho tseba hore taba ea motoho oa ngoan’a ’Malehloa ke e tiileng, ha se neano ea taba feela joaloka ha ho ne ho lekanngoa ke ba bangata. Sena ba se buile ba ipapisitse le pale e khuts’oanyane e ileng ea phetoa ke ba ileng ba utloela hore motoho oa ngoana ho ne ho etsahale joang ka oona, ha o tla ts’oants’oa litelung tsa ntate-moholo Ramotlapane, e leng ntat’ae. Ke boemong bona moo ba ileng ba hlahisa lenaneong leo hore ba hlahellang litabeng tsena, ba ke ba eteloe ho ea fumana tsa mohla lietsahala le hore bamameli ba lona ba ke ba ba bokeletse Naepene ka baka la nalane eo. Ha ho kenoa ka sekoereng ho latela tlhaloso e fanoeng, ba itse chelete e neng e ile ea utsoetsoa naha ena, e baloang ka limillione tse kaholimo ho mashome a mahlano, e qeteletse e fumanoe moo e teng le ba e nkileng. Litaba tsena li thehelletsoe holim’a baahi ba Roma Ha-Mafefoooane, Maseru, ba mabitso a latelang: ntate-moholo Ramotlapane, nkhono ’Malehloa le morali oa bona ’Malipuo.