Bahlanka ba litsi tsa lichankana ba abeloa mangolo ke sekolo sa Limkokwing

Bahlanka ba mashome a mararo a metso e supileng ba litsi tsa lichankana tsa Maseru, ba abetsoe mangolo ka mor’a ho phethela koetliso ea libeke tse peli junifesithing ea Mahlale Limkokwing ka Labohlano la beke e fetileng. Chief officer Bokang Ramotena oa ofisi ea Paralegal, o re sekolo se ile sa fereha bookameli ba lichankana hore se ka lakatsa ho fana ka thuto le koetliso ho bohlanka ba tsona, ’me bo koetlisitsoe holima ts’ebeliso ea lipompota, tsamaiso ea merero le ntlafatso, ’moho le thibelo ea litlolo tsa molao tse etsoang ka marang-rang. Moketeng oa kabo ea mangolo ana ho bile teng mookameli oa lichankana Mating Nkakala, le botlatsi ba hae Mosheoane Ts’olo le Kabo Moeno.