Monna o inehela sepoleseng sa Mokhotlong, ka pelaello ea polao ea motho

Morena Sechaba Makoetje oa Moremoholo Thaba-Nts’o, Mokhotlong, o re ’melaelloa oa polao ea monna ea fumanoeng a le maqeba a leshome le metso e robeli a ntho e bohale ho bo selang Labobeli la beke ena, o inehetse sepoleseng sa setereke seo. O re tlaleho e re mofu o ne a e na le likamano tsa bochaufa le mosali oa ’melaelloa, moo eo a bitsa e mong hore a ilo bona phofu eo ea hae ka mora hore a e khakhathele lefu, ’me mofu o phuthiloe ke sepolesa sa setereke seo.