Moshanyana ea lilemo li 16 o motseng oa Thaba-Khupa moo a reng o patlong ea ntata'e, ea bitsoang Mokheseng

Morena Mafa Moejane oa Thaba-Bosiu, Thaba-Khupa, Maseru, o re motseng oa hae ho na le moshanyana eo litaba tsa hae li sa kopaneng, ea fihlileng ka har'a oona ka Labohlano la beke ena. O re moshanyana o re o tloha Koro-koro Masaleng, moo a phelang le malom'ae ea sa mo hlokomelang hantle, ’me o motseng oo ho batla ntat'ae, ea bitsoang Mokheseng. Morena Moejane o re moshanyana enoa ea reng o lilemo li leshome le metso e ts’eletseng, o re lebitso la hae ke Katleho Mosuhli, ho tloha moo litaba tsa hae li se li sa utloisisehe.