MONNA O ROMELA SEKETE SA MALOTI KA MARANG-RANG, KA KHOPOLO EA HORE O TLA FUMANA MOSEBETSI

Le leng la mahlatsipa a jeloeng lichelete ka boqhekanyetsi, le re le eletsa sechaba hore leha mesebetsi e le sieo, se se iphumane se fane ka eona ho maorolamo ka khopolo ea hore se tla e fumana. Monna ea ipoletseng e le Sekoto Ramahlele, o re o bua sena e le ha a se fane ka sekete sa Maloti, ka mor’a ho bona ho thathamisitsoe mesebetsi e kenyeletsang oa bolebeli marang-ranng, ’me a ba le thahasello ea oona. O re litaba tsena li manehiloe leboteng la e mong ’Malekhanya Suthisi ea ileng a mo fetisetsa ho Lebajoa Leema ee itseng hang ha eena a qeta ho romela chelete, eaba ha o sa fumaneha. O re o ile a buisana le ba neng ba re ba na le mesebetsi, ba ileng ba mo tataisa hore na a ts’ele chelete e boletsoeng hokae, ka mor’a moo, mohala oa se hlole o fumaneha, ke kahoo a reng batho ba itlhokomele. Boemong bona, Lehakoe la Litaba le buletse beng ba mabitso a seng a boletsoe menyako ho fana ka lehlakore la bona holim’a litaba tsena, etsoe mohala o tlalehoang o t’setsoe chelete o ne o sa fumanehe.