MAFAPHA A AMEHANG TABENG EA HORE BAITHUTI BA NUL BA SE SENYE THEPA EA BAAHI BA ROMA, A BILE LE KOPANO

Monghali Sipho Ramalitse, o re ba bile le kopano ea khohola koqo, Roma ka Labobeli la beke ena, ho ea ts’ohla litaba tse amang baahi ba Roma, tsa ts’enyo ea thepa le tšetiso ea phallo ea sephethe-phethe, tse bakoang ke baithuti ba sekolo se seholo sa sechaba kamehla ha ba kene boipelaetsong. O re kopano e ne e memile mahokela, sepolesa, lefapha la phano ea lihlapiso, boemeli ba baithuti le ba sekolo se sa kang sa iponahatsa ka mongolisi oa sona, moo ba neng ba batla ho hlakisa hore ketso ea ho senya thepa ea baahi le ho koala tsela ha baithuti, ha se tsela e nepahetseng ea boitseko. A re lefapha la lihlapiso le bonts’itse ha sekolo ele sona se liehang ho fana ka lethathamo la baithuti, le fana ka lona le se le le lelelele, ho bakang mosebetsi o mongata o lokelang ho sebetsoa ka nako e khuts’oanyane