Lefapha la Boipaballo mebileng le khahlamelitse Sepolesa sa Sesole ka seaparo sa litotobala

Lefapha la Boipaballo mebileng, la Lesotho, le khahlamelitse Sepolesa sa Sesole ka seaparo sa litotobala ka Lapele la beke ena, moketjaneng o neng o ts’oaretsoe motebong oa sesole Makoanyane. Raliphatlalatso oa sesole sa Lesotho, Lt Col Sakeng lekola, o re Lefapha le etsa sena e le teboho ho Sepolesa sa Sesole, ka lebaka la ts’ebelisano ’moho e mofuthu eo ba nang le eona le bona, le ho hlokomela tlhokahalo ea seaparo lefapheng le seng le boletsoe. Lt Col Lekola o re sepolesa sa sesole, se tlatsetsa lefapha la boipaballo ’mileng ka makhetlo ha se kopiloe. Tsena li bonahala haholo linakong tsa khefutso tsa Paseka le Mafelo a selemo. Mpho ena e amohetsoe hlooho ea Sepolesa sa Sesole, Major Monesa Ramahlele.