MUSO O RE LIKETE TSE HLANO TSA MAFURA TSE FUANG MAPARAMENTE LI NEPAHETSE

Rethabile Letlailana MP o re meropotso eohle e fumanoang ke litho tsa Paramenete ea leshome le motso o le mong li nepahtse. A bua lekhotleng la sechaba ka Labobeli la beke ena, mokhethoa oa Lithoteng #38, tlasa Thalaboliba ea ntlafatso - RFP, o itse naepene ea mafura, bolulo le tseling e nepehatse. Molulasetulo oa komiti ea mafapha a ikarabellang tlasa tonakholo o tlalehetse lekhotla la sechaba hore kamor'a liphuputso tse matla, komiti e fumane ho se na phoso meropotsong e fumanoang ke Tonakholo, Matona, litho tsa Senate le lekhotla la sechaba. Maparamente Lekhetho Rakuoane le Teboho Mojapela ba ile ba kenya ts'isinyo ea hore M 5000.00 ea mafura e hlakoloe ho latela boiketo ba RFP likhethong tse fetileng, 'muso oa mpa oa ba hlola ka lipalo, tlhakolo ea meropotso ee ba iketileng ka eona e sala e le joalo. Letlailana o boetse a tlalehela paramente hore meputso ea litho tsa eona e nyolohile ka linoko tse peli, feeloane hlano lekholong (2.5%) papisong le ngoahola. Sena se latela hore litho tsa ntlo li lumellane ho ts'oara lipere hanyenyane ts'its'inyong ea benghali Rakuane le Mojapela, ka sepheo sa ho ts'ohla kopo ea komiti ea mafapha a ikarabellang ho tonakholo, ee e itseng ha lekhotla le ananela tlaleho ea eona, eaba e se e koentse ts'its'inyo etsoe e ne e phutsetse lintlha tsa eona. Paramente e phomolitsoe nako e sa boleloang bakeng sa mariha.