Moits’okoli o re Basotho ba ele hloko bashanyana ba kukisanang ka thepa ka hare ho toropo ea Maseru

Moits’okoli ea sebeletsang ka hare ho toropo ea Maseru, o re Basotho ba ele hloko bashanyana ba ithaopelang ho ba kukisa lithoto tsa bona ka hare ho toropo, hobane eena ke lehlatsipa la ho utsoetsoa sepache le chelete, ka Labone la beke ena. ’Marelebohile Likhama o re moshanyana ee a ileng a kopana le eena haufi le selikalikoe se seholo sa Maseru, o ile a ithaopela ho mo nkisa, kaha a ne a imetsoe, a mpa a mo latola, empa eo a mo qophella, ’me haa fihla lapeng a fumana hore sepache le chelete ha seeo.