Monna o eloa ka liphalana ka thetso ea hore o tla etsetsoa bukana e potlakileng ea ho eta

Monna oa Lihloaeleng Ha-’Muso Thaba-Tseka, ea lulang Naleli Berea, o re o utsoelitsoe ka boqhekanyetsi chelete, karete ea boitsebiso, bukana ea ho eta e felletsoeng ke nako le mongolo a mosebetsi, ke monna ea itseng o tla mo etsetsa bukana e potlakileng, lefapheng la phano ea libukana tsa ho eta, ka Labone la beke ena. Monghali Teboho Ramahetlana, o re o fihlile sebakeng seo ho ea batla lits’ebeletso, a mpa a atameloa ke monna ea buileng litaba tse seng li boletsoe, empa o ile a mo nyamella ka mor’a hore a mo fe linomoro tsa hae tseo a neng a re a tle a fane ka tsona ho ea ka hlokang lits’ebeletso tsa hae.