Monna oa Ha Makhalanyane o chankaneng ka qoso ea peto ea basali ba babeli

Tokelo Jane ea lilemo li 26 oa Roma Ha Makhalanyane Maseru, o hlahile lekhotleng la Maseterata la Maseru ka Lapele lena, a qosoa ka ho beta banana ba babeli le ho ruha sethunya ka thoko ho molao. Lengolo la qoso le re Jane ka thoko ho molao, a le sebakeng seo ka Laboraro le fetileng, o ile a kenya botona ba hae ka bots'ehaling ba banana ba lilemo li (19), ka ho fetolana ka bona a ba supile ka sethunya. Moqosuoa o boetse o qosoa ka ho ba le sethunya sa 7.65mm a sena mangolo a mo lumellang hoba le sona. Lekhotla le tla mamela kopo ea hae ea beile ka Labobeli la beke ena, ka pela 'Maseterata Motlatsi Kolisang.