KOTULO EA MONONGOAHA HA E-NA HOBA NTLE AFRIKA-BOROA LE KA LESOTHO, HO RIALO BO-RABOLEPI

Kotulo ho lihoai tsa Afrika-Boroa e hlalosoa ke bo-rabolepi e tlil’oba mpe haholo selemong sena ka lebaka la lebatama la mocheso le lebelletsoeng ho otla naha eo. Litsebi li lepa hore mofuta ona oa lebatama o ee o nke nako e telele e leng se tlisang kotulo e susumelletsang tlaleng ea boja-likata ho lihoai le sechaba ka kakaretso. Lebatama lena ], le kile la otla naha ea Moshoeshoe ka mongoaha oa 2015. Hona litabeng tsena lihoai tsa ka Lesotho li ile tsa eletsoa ke ofisiri e kholo lekaleng la temo monghali Lereko Masupha hore li leme meroho kaha kotulo ea lijo-thollo monongoaha e sa tloba ntle ka lebaka la lipula tse ntseng li ts’oloha ka matla naha ka bophara.