LELAPA LA LEHLEHLA LE RE SEPOLESA SA HLOTSE SE KHAKHATHETSE SETHO SA LONA LEFU

Lelapa la Lehlehla, le re sepolesa sa Hlotse se hana ho le fa tlhaloso mabapi le ho timela ha mor’a lona motebong oa sona, ka mor’a hore se mo ts’oare a le leetong a leba Maputsoe, ha khoeli ena e hlola matsatsi a supileng. Monghali Sents’o Lehlehla oa Tsikoane Ha-Matlaselo Molapo Leribe, o re mora eo oa moena oa hae, lelapa le ile la tseba tsa ho ts’oaroa ha hae ka ba ileng ba le hlabela mokhosi, ha ba bona a ts’oaroa ka mokhoa o ileng oa ba makatsa. O re le ile la batla moo sepolesa se mo isitseng teng, la sokola ho fihlela le mo fumana Hlotse, moo itseng ha le batla mabaka a hore na o ts’oaretsoeng, la bolelloa hore ke ka bomenemene bo sa hlalosoang, ’me ka le hlahlamang la tseba hore o se a timetse. Tabeng ena, o re sepolesa se qobelloa lelapa ho tlosa mofu eo ’moshareng oa ’muso, le mo ise ho oa khetho ea lona, empa lona le re o lokela ho etsoa litlhahlobo tsa ka mor’a lefu hore ho tsebahale se mo jeleng