Econet Telecom Lesotho e hlahisa sechabeng, mohala o mocha oa letsoho

K’hamphani ea mehala le marang-rang, Econet Telecom Lesotho, e hlahisitse sechabeng mohala o mocha oa letsoho o bitsoang Econet Prime, ka Laboraro la beke ena, ho e ’ngoe ea matlo a kamohelo ea baeti, Maseru. Lebitsong la bookameli ba lithekiso le limmaraka, ’Mathabo Masoabi o re sena se latela sello sa nako e telele sa baji ba kojoana li mahetleng, sa hore ba hlahisetsoe mohala oa maemo, empa ka litjeo tse tlase. Ho sale joalo, Econet e re e tla eketsa khokelo ea marang-rang a eona libakeng tse fihlelehang ka thata, ho qobisa baji ba lits’ebeletso tsa eona, maeto a malelele.